07-02-2022
Авазова Севинч 22 ёшда. Алишер Навоий номидаги ўзбек тили ва адабиёти университетининг 4-босқич талабаси. Ёшлигидан ижодга, китобга меҳр қўйган қаҳрамонимиз «Ватан тараққиётига менинг ҳиссам» Республика танлови, ёш ижодкорларнинг «Зомин семинари» иштирокчиси.
Қувонарлиси, Севинч яқиндагина «Ёш китобхон» кўрик-танловининг шаҳар босқичида 20-30 ёш тоифасида фахрли 1-ўринни эгаллаб, республика босқичига йўлланма олди.
«Бу йил менга омадли келди, феврал ўрталарида «Менинг биринчи китобим» лойиҳаси доирасида 20 минг нусхада илк шеърий китобим чоп этилади. «Ёш китобхон»да финалга чиққаним эса хурсандчилик устига хурсандчилик бўлди, кейинги мақсадим Зулфия номидаги давлат мукофоти совриндори бўлиш»- дейди, қаҳрамонимиз.
Мингдан ошиқ китобларни ўқиб тугатган китобхон қизимизга Республика босқичида омад тилаймиз!
