06-03-2023
Yangihayot tumani davlat soliq inspektsiyasi boshligʼining murojaati
2023 yil Fevralь yakuni boʼyicha
Yurtboshimiz joriy yilning 16 mart kuni Davlat soliq qoʼmitasiga tashrifi chogʼida sohani takomillashtirish, xususan, soliq tizimini raqamlashtirish, soliq toʼlovchilarga xizmat koʼrsatish sifati va koʼlamini oshirish, shuningdek, «Soliqchi- koʼmakchi» tamoyili asosida tadbirkorlar bilan bevosita muloqotga kirishib, ularning muammolarini oʼrganish va soliq qonunchiligidagi oʼzgarishlarni tushuntirish yuzasidan bir qator topshiriqlar bergandi.
Mazkur topshiriqlar ijrosini taʼminlash, tadbirkorlarni soliq sohasidagi oʼzgarish va yangiliklar bilan tushuntirish maqsadida, 28-29 mart kunlari Davlat soliq qoʼmitasi rahbariyati boshchiligida joylarda tadbirkorlar bilan uchrashuvlar oʼtkazildi. Davlat soliq qoʼmitasi raisning oʼrinbosari ishtirokida Yangihayot tumanida oʼtkazilgan uchrashuvda tumanimizda faoliyat yuritayotgan tadbirkorlar ishtirok etishdi.
Tuman davlat soliq inspektsiyasi tomonidan 2023 yil Fevralь oyi davomida amalga oshirilgan ayrim maʼlumotlarga eʼtiboringizni qaratsak. Davlat soliq inspektsiyasi mutaxassislari tomonidan tumanda jami 3 marotaba tadbirkorlar bilan bevosita muloqotlar oʼtkazildi.
Uchrashuvlarda qariyb 154 nafar tadbirkorlik subʼektlariga soliq qonunchiligiga kiritilgan oʼzgarish va qoʼshimchalar, yangiliklar, avtomatlashtirilgan axborot tizimlari haqida batafsil maʼlumot berildi.
Аyni paytda tumanda 1068 taga yaqin tadbirkorlik subʼektlari faoliyat koʼrsatadi. Yil boshidan buyon «Soliqchi-koʼmakchi » tamoyili asosida tumanimizdagi 1068 ta korxonaning 78 ta muammolari oʼrganilib, mazkur muammolarning 70 tadan ortigʼi bevosita soliq xodimlari koʼmagida hal etildi.
Yangihayot tuman davlat soliq xizmati organlari xodimlari tomonidan tadbirkorlik subʼektlari bilan olib borilgan tushuntirish ishlari natijasida Fevralь oyida 53 ta korxonadagi 366 nafar norasmiy ishlovchi fuqarolar faoliyati qonuniylashtirildi.
Аgar sohalar kesimida koʼrib chiqadigan boʼlsak, savdo va umumiy ovqatlanish korxonalarida 68 nafar, ishlab chiqarish va xizmat koʼrsatish korxonalarida 238 nafar, qurilish korxonalarida 27 nafar hamda qishloq xoʼjaligi sohasida faoliyat yurituvchi 33 nafar fuqarolarning faoliyati rasmiylashtirildi va byudjetga 336 million soʼm qoʼshimcha mablagʼ yoʼnaltirildi.
Аytish kerakki, keyingi yillarda mamlakatimizda aholi va biznes uchun qulayliklarni oshirish, soliq munosabatlarida inson omilini kamaytirish maqsadida soliq maʼmuriyatchiligi tubdan isloh qilinmoqda.
2023 yil byudjet daromadlari prognoz koʼrsatkichlari bajarilishi yoʼnalishi.
2023 yil Fevralь oyi uchun davlat byudjeti daromadlariga belgilangan 1.294 mlrd. soʼm reja 1 421 mlrd. soʼmga yoki 126 mln. soʼm (109.8 %) ortigʼi bilan bajarilishi taʼminlandi.
2023 yil Fevralь oyi tushum 126 mln soʼmga nisbatan oʼsish surati 109.8% ni tashkil etadi.
Maxalliy byudjet daromadlariga 2023 yil Fevralь oyi uchun belgilangan 7 221 mlrd. soʼm reja 7 359 mlrd. soʼmga yoki 138 mln soʼm (101.9 %) ortigʼi bilan bajarilishi taʼminlandi
Xususan, 2020 yilda yangi tahrirdagi Oʼzbekiston Respublikasi Soliq kodeksi qabul qilindi. Soliq turlari 13 tadan 9 taga kamaytirildi. Mol-mulk soligʼi esa 2 foizdan 1,5 foizga tushdi. Аylanmadan olinadigan soliq stavkasi oʼtgan yilgi foizdan saqlab qolindi. Natijada Yangihayot tadbirkorlarning ham islohotlarga ishonchi ortib, soliq tushumlari tumanda 1,5 baravar koʼpaygan boʼlsa, aylanmadan olinadigan soliq toʼlovchilar soni 1013 dan 1068 taga yetdi.
Joriy yil yakuni boʼyicha «soliq-hamkor» dasturi orqali tuman hududida faoliyat yuritayotgan tadbirkorlik subʼektlari bilan bogʼliq soliq hukukbuzurliklar toʼgʼrisida jami 1389 ta murojaat kelib tushgan boʼlib, murojaatlar yuzasidan 348 ta sayyor soliq tekshiruvlari oʼtkazildi. 2022 yil yakuni boʼyicha tushgan ushbu murojaatlarning barchasi oʼz tasdigʼini topdi.
Murojaat qilgan 112 nafar fuqarolarning bank plastik kartochkasiga 69.6 mln. soʼm pul mablagʼlari belgilangan tartibda oʼtkazib berildi. 2023 yil mobaynida 1 ta korxonaga yer soligʼi, 1 ta korxonaga mol-mulk soligʼi uchun soliq toʼlovlaridan imtiyoz qoʼllanildi.
Oʼzbekiston Respublikasi Prezidentining 2019 yil 8 yanvardagi PQ-4102 Qaror boʼyicha Yangixayot tuman 4 sektorda tashkil etilgan hududlarni kompleks ijtimoiy-iqtisodiy rivojlantirish boʼyicha shtab aʼzolari tomonidan oʼzlariga biriktirilgan hududlarda amalga oshirilayotgan ishlari yuzasidan hisobotlarni eshitish va mavjud muammolarni bartaraf etish tahlili, Sektor shtabiga toʼgʼridan-toʼgʼri kelib murojaat qilgan jismoniy va yuridik shaxslarning murojaatlarini joyida bartaraf etish choralarini koʼrish yuzasidan 4-sektor rahbari tomonidan 2023 yil Fevralь oyi davomida Yangixayot tumanida fuqarolar bilan 8 ta sayyor qabuli oʼtkazildi.
Kelib tushgan murojatlar soni 96 ta ulardan 35 tasi moddiy yordam 21 tasi subsiyada 13 tasi komunal xizmati, 3 tasi uy-joy tamirlash boʼyicha, 4 tasi sogʼliqni saqlash, 2 tasi Yer ajratish, 4 tasi imtiyozli kredit, 8 tasi boshqa masalalar.
Hurmatli tadbirkorlar!
Yangihayot tumani Davlat soliq inspektsiyasi xodimlari «Soliq-koʼmakchi » tamoyili asosida Sizlarga yaqindan yordam berishga doimo tayyor. Bizga murojaat qiling. Barcha savollaringizga javob berishga va bilmaganlaringizni oʼrgatishga astoydil koʼmaklashamiz.
Аkbarxon Ibragimov,
Yangihayot tumani Davlat soliq inspektsiyasi boshligʼi
