28-07-2022
Mustaqilligimizning 31 yilligi munosabati bilan tuman hokimligi OАV vakillari va yangihayotliklar uchun “Yangihayot mening nigohimda” nomli tanlovni eʼlon qiladi.
Tanlovda ishtirokchilar quyidagi nominatsiyalar boʼyicha ishtirok etishlari mumkin:
- “Eng yaxshi foto” nominatsiyasi;
- “Eng yaxshi video” nominatsiyasi;
- “Eng yaxshi jurnalistik material” nominatsiyasi;
- “Eng yaxshi blogpost” nominatsiyasi;
Tanlov shartlari quyidagicha:
Taqdim etiladigan ijodiy ish ijtimoiy ahamiyatga ega boʼlishi (unda Yangihayot tumanida olib borilayotgan islohotlar oʼz ifodasini topishi);
Ijodiy ishlar OАV orqali eʼlon qilinishi (bunda ijodiy ish tanlov eʼlon qilingan davrdan hisobga olinadi, eski ishlar qabul qilinmaydi);
Ijtimoiy tarmoq orqali yoritishda heshteg belgisi bilan tanlov nomi va tuman hokimligining ijtimoiy tarmoqdagi sahifalarini belgilashi kerak;
Tanlovda ishtirok etish istagida boʼlganlar 1 avgustdan 25 avgustga qadar OАVda eʼlon qilgan ijodiy ishlarini @Yangihayotmeningnigohimdabot botga yuborishlari kerak.
Tanlov gʼoliblarini qanday sovgʼa kutmoqda?
1-oʼrin – Televizor
2-oʼrin – Changyutgich
3-oʼrin – Mikrotoʼlqinli pech
Tanlovga yuborilgan ijodiy ishlar tuman hokimligining telegram kanali (@yangihayot_hokimligi)ga joylanadi va gʼoliblar ovoz berish yoʼli bilan aniqlanadi.
Tanlovda faol ishtirok eting va gʼoliblar safidan joy oling.
Maʼlumot uchun: 71 210 60 14
