29-06-2022
Давлат хавфсизлик хизмати Тошкент шаҳар бошқармаси ташаббуси билан Тошкент шаҳридаги маҳаллалар жамоалари ўртасида ўтказиладиган футбол бўйича ДХХ кубоги старт олди.
Куни кеча Янгиҳаёт тумани, "Дўстлик" маҳалласидан "Дўстлик" жамоаси ҳамда Миробод тумани, Саракул маҳалласининг "Саракул" жамоаси 1-ўйинни бошлаб берди. Қизғин ўтган баҳсда 4:1 ҳисобда "Дўстлик" жамоаси ғалаба қозониб, кейинги ўйинга йўлланма олди.
"Дўстлик" жамоаси бу гал Шайхонтоҳур туманининг "Шодлик" жамоаси билан тўп суради.
